ኩነታት ትግራይ ሰለማዊ መፍትሒ ክርከቦ ኮምሽን ሰባኣዊ መሰላት ኢትዮጵያ ጸዊዑ።

ኮምሽን ሰባኣዊ መሰላት ኢትዮጵያ፡ ኣብ ክልል ትግራይ ኣብ መንጎ ክልተ ጉጅለታት ሕውሓት ተፈጢሩ ዘሎ ወጥሪ፡ ስምምዕ ሰላም ፕሪቶርያ “ምሉእ ብምሉእ ተግባራዊ” ከይከውን ዝገብር፡ ስእነት ሰላምን፡ ሓደጋ ምግሃስ ሰብኣዊ መሰላት ዝፈጥርን ስለዝኾነ፡ ብሰላማዊ መንገዲ ክፍታሕ ኮሚሽን ሰብኣዊ መሰላት ኢትዮጵያ ኣተሓሳሲቡ።

ድሕሪ’ቲ ንኣስታት 2ተ ዓመታት ዝቀጸለ ደማዊ ኲናት ትግራይ፡ ኣብ ከተማ ፕሪቶርያ ናይ ደቡብ ኣፍሪቃ ዝተኸተመ ስምምዕ ምቁራጽ ተጻቦኦ፡ ኣብ መንጎ ፌደራላዊ መንግስትን ሕዋሓትን ዝተወለዐ ኲናት ደው ክብልን፡ ኣብ ኢትዮጵያ ዝተፈጥረ ዘይምርግጋእ  ክጎድልን ዓቢ ግደ ከምዝነበሮ ዝጠቀሰ ኢሰመኮ፡ ሎሚ ብምክፍፋል ውድብ ሕዋሓት ተፈጢሩ ዘሎ ሓደገኛ ኩነታት፡ ተመሊሱ ናብቲ ቅድሚ ዝውሰና ዓመታት ዝነበረ ደም ምፍሳስ ከይምለስ፡ ኩሎም ሓይልታት ናይ ሰላም ኣማራጺ ክጥቀሙ ከምዝግባእ”ዩ ዘተሓሳስብ።

ኢስመኮ ኣብ መግለጺኡ፡ ኣብ ልዕሊ ብኣቶ ጌታቸው ረዳ ዝምራሕ ግዚያዊ ምምሕዳር ትግራይ ስጉምቲ ድሕሪ ምውሳዱ፡ “ወከልቲ ሕዋሓት ኢና ዝብሉ ኣካላት ኣብ ዝተፈላለየ ከባቢታት ናይቲ ክልል ንዝርከቡ መንግስታውያን ትካላት ግዝያዊ ምምሕዳር ንምቁጽጻር ስጉምቲ ይወስዱ ምህላዎም ዝገለጸ ኮይኑ፡ እቲ ኣብ ትግራይ ተፈጢሩ ዘሎ ምዕባለታት፡ ኪንዮ”ቲ ንመዓልታዊ ንጥፈታት ነበርቲ ናብ ምክባድ ዝህልዎ ኣሉታዊ ተራ፡ ኣብ ልዕሊ ሰብኣዊ መሰል ዜጋታት ውን ሓደጋን ስግኣትን ፈጢሩ ብምህላዉ፡ ቕልጡፍ ሰለማዊ ፍታሕ ክናደየሉ”ዩ ዘተሓሳስብ።

ድሕሪ”ቲ ዝተፈጥረ ዘይምርግጋእ ብዝተፈጠረ ናዕቢ፡ ኣብ መቐለ ዓዲግራትን ከባቢኡን፡ ዝተኣስሩ፡ ዝተቀትሉን ስልጣኖም ዝተሓድጉን ምህላዎም ከምዘረጋገጸ ኮምሽን ሰባኣዊ መሰላት ኢትዮጵያ፡ ኣቶ ጌታቸው ቅድሚ ሒደት መዓልታት ኣብ ኣዲስ ኣበባ ኣብ ዝሃቦ መግለጺ፡ ብዶክተር ደብረጽዮን ዝምራሕ ጉጅለ ሕዋሓት፡ ስልጣን ንምሓዝ ብዝብል ምክንያት ጥራሕ ነቲ ዞባ ናብ ህውከት ይድርብዮ ምህላዉ ዝገለጾ ብምጥቃስ፡ እቲ ዝከይድ ኩነታት ስክፍታ ዝፈጥር ምኳኑ”ዩ ዝግለጽ።

ኣቶ ጌታቸው ቅድሚ መዓልታት ኣብ ዝሃቦ መግለጺ፡ ገለ ፖለቲካውን ወተሃደራውን መራሕቲ ክልል ትግራይ፡ ምስ ጉጅለ ህግደፍ ናይ ኤርትራ ርክብ ከምዘለዎምን፡ እቲ ኣብ ኤርትራ ዘሎ ጉጅለ ውን ካብቲ ኣብ ትግራይ ዝፍጠር ዘይምርግጋእ መክሰብ ኣለኒ ኢሉ ዝሓስብ ጉጅለ ምኳኑን ገሊጹ ምንባሩ ዝፍለጥ ኮይኑ፡ ብዶክተር ደብረጺዮን ዝምራሕ ጉጅለ ሕዋሓት ምስ ጉጅለ ህግደፍ ስልታዊ ዝምድና ፈጢሩ ይንቀሳቀስ ምህላዉ”ዩ ዝንገር።

ካብ ዜናታት ክልል ትግራይ ከይወጻና፡ ትማሊ ኣብ ሰዓታት ንግሆ፡ ኣርሚ 23 ዝተሰምየ ወተሃደራዊ ኣሃዱ ኣብ ልዕሊ ሲቪል ብዝከፈቶ ቶክሲ 7 ሰባት ከምዝሞቱ ኢዩ ዘሃብርሻ ዝተሰምየ ኢትዮጵያዊ ማዕከን ሓበሬታ ገሊጹ።

እቲ ኣብ ከተማ ሞኮኒ ዘጋጠመ ሓደጋ፡ ማሕተም ግዚያዊ ምምሕዳር ትግራይ ኣረክቡ ብዝብል ዕግርግር ዝተፈጥረ ምኳኑ ዝገለጸ ኢዩ ዘሓበሻ፡ እቲ ኩነታት ናብ ጥርዚ ዘይምርድዳእ ድሕሪ ምድያቡ፡ ሂወት 7 ዝወሰደ ግጭት ከምዘጋጠመ”ዩ ገሊጹ ዝርከብ።

ኣብ ከተማ ዓድዋ ብተመሳሳሊ፡ ሓድሽ ወተሃደራዊ ሰልፊ ኮማንዶ ከምዝተካየደ ዝተገልጸ ኮይኑ፡ ጀነራል ምግበይ ዝርከቦም፡ ብግዚያዊ ምምሕዳር እገዳ ዝተገብረሎም ጀነራላት ትግራይ ኣብ ዝተረክብሉ ኣጋጣሚ፡ ሰልጠንቲ ወተሃደራዊ ምሪኢት ከምዘካየዱ”ዩ እቲ ሓበሬታ ዘረድእ።